كتبت الممثلة شكران مرتجى عن حالة الفراغ التي يعيشها الممثل السوري قائلة: «الممثل والممثلة، كائن حساس كائن وهب نفسه للفن كل حدا بطريقته بيصير مدمن، بيصير حدا مختلف لما بيشتغل، يمكن ولاشك وأكيد قصة المصاري مهمة لأنه في حياة ومسؤوليات بس الأهم هو حالة المتعة اللي بيحققها الفن وخاصة للفنان الحقيقي الموهوب اللي بتصير حياته مرتبطة بحبل سري مع هي المهنة في مخزون يومي من مشاعر وأحاسيس بيفرغها الممثل وقت بيوقف قدام الكاميرا أو عالمسرح أو أمام مايكرفون إذاعة».

وأضافت: «حالة الفراغ بتموت الفنان، بتقتله من جوا قبل برا، بتخليه حاسس بأنه جواتو فاضي رغم كل مشاعره وأحاسيسه المخزونة، طبعاً عم أحكي عن الفنان اللي ما بيعتبر الفن مهنة، الفنان اللي بيعتبر الفن قطعة من روحه، كتير صعب إنك تمشي وروحك مريضة أو عم تحس أنها بلشت تتلاشى بالفراغ، عم أحكي عن حالي وعن كتار نحنا بدنا نقول بس دقيقة صمت!!! فكروا بكم الأرواح المتعبة واللي أحياناً بتخجل تبوح وتحكي، نحنا بمتاهة هي السنة تحديداً، أنا بعرف السبب وكتار بيعرفوا السبب اللي خلانا جميعاً على مقاعد الانتظار المصنوعة من النار».

وختمت حديثها بالقول: «رفقاً بأرواحنا رفقاً بمبدعينا، رفقاً بدرامانا، لا تديروا ظهوركم لها فكم احتضنتكم، رفقاً بانتظارنا الذي سئم الانتظار».

 

مزيد من الأخبار يمكن متابعة حسابنا على التلغرام:

https://t.me/damas0times        

أو قناتنا على اليوتيوب:

https://www.youtube.com/channel/UCAycKbU4tzro_X8KRI3tzsA



 

 

عدد القراءات:746

هل ترغب بإضافة تعليق

الاسم الكامل
التعليق




لا يمكنك قراءة الكود? اضغط هنا للتحديث